Intore za F.P.R ziba muri Canada zitabiriye inama y'umushyikirano 2013 i Kigali
Intore za F.P.R ziba muri Canada mu nama y'umushyikirano 2013 i Kigali
Inkuru ya Bazumvaryari M.
Tariki ya 9 Ukuboza 2013
Umunsi Rwanda Day yabayeho Toronto, ku wa 28 Nzeli 2013, hari ibikorwa byinshi byayibanjirije muri Canada. Intumwa za Leta ya Kigali zazengurutse Canada zishaka abanyarwanda cyane cyane abigaragaje ko batavuga rumwe na Leta ya Kigali ngo babafashe kurwanya abavuga ukuri kubikorwa bibi bya Leta ya Kigali. Ni muri urwo rwego, intumwa za Kigali, zageze Montréal, zari ziyobowe na Kayiranga Rwasa Alfred, Deputé munteko ishinga amategeko, Jean-Nepomuscene, komiseri mu itorero ry'igihugu (wigeze kuba Préfet wa Byumba), na Jean-D'amour (ntamunyarwanda utamuzi hano i Montréal kubera ibibi yakoraga ,uyu akaba yarasubiye i Kigali ari intore ikomeye ya F.P.R, bakoresha amabi ino aha Montréal).
Mubahagarariye F.P.R hano i Montréal, bitwaga ko bafatanyije n'abandi kurwanya amabi ya Leta ya Kigali, bitwa impunzi hano muri Canada, harimo Francois Munyabagisha, wanditse igitabo gisobanura iby'i Rwanda kitwa (Pourquoi nos fosseyeurs sont-ils nos héros, 2012). Ndengera Alain Patrick, uzwi ku izina rya Tito Kayijamahe, ufite inyandiko nyinshi kumbuga zitandukanye nka Veritas infos, radio itahuka, Facebook na Twitter,…. na Nkurunziza David, wahoze mu ishyaka ritavuga rimwe n'ubutegetsi Amahoro, uhatanye muri iki gihe yiruka kubanyarwanda, batavuga rumwe na F.P.R kugirango bahindurize ikoti bagane F.P.R nkuko yabikoze ubwo yasezeraga kumurimo wa Komiseri mu ishyaka ritavuga rumwe n'ubutegetsi Amahoro Party akiyegurira burundu F.P.R.
Hari kandi na Evode Uwizeyimana, wiyita inararibonye mumategeko, uzwi cyane kuri radio BBC Gahuzamiryango, hakaba n'abandi banyarwanda bamaze igihe kinini cyane hano muri Québec, nka Rudakubana Gratien na Kamoso Louis-Marie.
Ubu rero noneho turabona, Ndengera Alain Patrick alias Tito Kayijamahe, Munyabagisha Francois na Nkurunziza David, bateye intambwe kuko batashye murwababyaye, batekanye mu nama y'umushyikirano 2013 (Reba ifoto). Mube maso rero kuko utuzi twa Jacques Nziza bazatahukana, dushobora kubageraho, keretse niba baratashye burundu !
Comments
Post a Comment