ITANGAZO RYA CEP YA FDU INKINGI RIBESHYUZA IBYATANGAJWE NA TWAGIRIMANA BONIFACE
Ku itariki ya 26/01/2014 Boniface Twagirimana yasohoye itangazo rihakana uburyo intumwa y'umuryango wa bibumbye ku burenganzira bwa muntu yasuye Madame Ingabire Victoire Umuhoza nyamara nkuko benshi babikurikiranye kuri radio zitandukanye iyo ntumwa yasobanuye uburyo yasuye iyo mpirimbanyi ya demokarasi.Igitangaje kandi giteye agahinda n'uburyo uwo Twagirimana Boniface usigaye ukorera hanze y'ishyaka yiha gusohora amatangazo agamije kuyobya abarwanashyaka n'inshuti za FDU INKINGI kandi yaramaze kugaragaza ko akorera FPR ari nayo imukingira ikibaba kugeza magingo aya mu gihe abandi barwanashyaka bakomeje guhigwa bukware nkuko nawe ubwe ibyatangariza nyamara ntasobanure impamvu we adakorwaho!Dukurikije ibyatangajwe na Boniface Twagirimana turatangariza abantu bose ibi bikurikira
-Itangazo ryasohowe na Bwana Mberabahizi Jean Baptiste Umunyamabanga mukuru akaba n'umuvugizi w'ishyaka FDU INKINGI twogeye gushimangira ko ibikubiyemo aribyo kandi uzakenera ibisobanuro birenze yakurikira ikiganiro intumwa ya ONU yagiranye n'abanyamakuru ku buryo yasuye Madame Ingabire Victoire.
-Twagirimana Boniface ntagikorera ishyaka FDU INKINGI nibyo atangaza ntibigomba kwitirirwa ishyaka kuko nta rwego na rumwe ahagarariye haba mu Rwanda cyangwa hanze dore ko nta n'icyizere Madame Ingabire akimugirira kuko yamusabye kumuvira mu rugo.
-CEP iramenyesha abantu bose ko umurongo yiyemeje wo gukomeza kuba hafi y'abarwanashyaka bose bari mu kaga mu Rwanda izawukomeza bityo abayigize bakaba nta mugambi numwe bafite wo guhunga Igihugu nkuko bikomeje kugenda bikwirakwizwa na Twagirimana Boniface.
-CEP iramenyesha abantu bose ko itagikorana n'urwego rwiyise Komite Mpuzabikorwa (CC)kuko na Madame Ingabire atarwemera na gato kuko ntaho ruzwi mu mahame shingiro ishyaka FDU INKINGI rigenderaho.
-CEP iramenyesha kandi abantu bose ko urwego Madame Ingabire Victoire yemera ari ubuyobozi bukuru buyobowe na Ndahayo Eugene kuko nirwo rumwitaho mu bibazo byose.
Tukaba tuboneyeho kumenyesha abantu bose ko bagomba kwitondera ibitangazwa na Twagirimana Boniface na Komite Mpuzabikorwa kuko bafite imigambi myinshi aho bakomeje kuyobya abantu bababwirako Madame Frola Irakoze yahungiye i Burundi.
-CEP ikaba kandi imenyesha abantu bose ko ntakindi Twagirimana Boniface na CC bagamije uretse gushaka uburyo bongera gukora ikinamico yo kuvugurura CEP babeshya kuko batagishoboye guha ubufasha Madame Ingabire Victoire ibyo bakora byose akaba ari ukwishakira indonke.
Teagirayezu Fabien
Umuvugizi wa CEP
Comments
Post a Comment