Rwanda: Gukunda igihugu no kwihesha agaciro nyabyo

http://www.therwandan.com/ki/gukunda-igihugu-no-kwihesha-agaciro-nyabyo/ Gukunda igihugu no kwihesha agaciro nyabyo 28/10/2012 00:04   Politiki Mu gihe abashyigikiye umunyagitugu Perezida Kagame bakomeje kwemeza ko uwo bagize Imana yabo ahebuje mu gukunda igihugu, byanteye kwibaza ubuzima uwo Rudasumbwa abamo, amahoteli ahenze araramo, amamodoka ahinduranya nk'uhinduranya imyenda, amadege n'ibindi. Nibwo nahisemo kwerekana urugero rwaba icyitegererezo cyo kwiyoroshya no gukunda abenegihugu. Perezida w'igihugu cya Uruguay, Bwana José Mujica agendera mu modoka ya Volkswagen Beetle ya yindi iwacu twita igikeri. Umushahara we ni 12,500$ ariko akoresha 1,250$ gusa ayandi akayatanga mu gufasha ibikorwa bitandukanye byo gufasha abababaye. Sankara yagendaga muri Renault 5 Thomas Sankara, wategetse igihugu cya Burkinafaso, yagendaga mu modoka ya Renault 5, kandi iyo yakoraga ingendo mu mahanga yagenderaga mu ndege mu myanya ihendutse (classe touriste) kandi iyo yajyaga i New York mu manama ya ONU yajyaga buri gihe gusura agace kabamo abakene mu mujyi wa New York kitwa Harlem. Gukunda igihugu nyabyo bijyana no kwigomwa no kureba ineza y'abanyagihugu aho kubasonga ngo wishyirire mu mufuka ubeho mu buzima bw'umurengwe ngo urihesha agaciro ukibagirwa ko igihugu cyawe gikennye gitunzwe n'inkunga z'amahanga. Umukuru w'igihugu yagombye kwitangira abaturage aho kubabera umuzigo. G.Maurice