[Rwanda Forum] Kagame yabeshye Abadepite, Abanyarwanda n’Abanyamahanga:

Kagame yabeshye Abadepite, Abanyarwanda n'Abanyamahanga:

Ibisobanuro ku mvugo ya Paul Kagame no kurenga ku masezerano ya Washington**

Uyu munsi, Paul Kagame ubwe yabitangarije imbere y'Abadepite ko Rwanda/M23 batangiye imirwano no gufata Uvira mbere y'uko ajya gusinya amasezerano ya Washington. Yongeyeho ko nubwo yasinyaga amasezerano, imirwano yakomeje kandi kugeza n'ubu igikorwa kigikomeje.
Kagame yemeza ko yagiye gusinya amasezerano mu gihe yari amaze gutangiza imirwano yo gufata Uvira, kandi ko n'abari bagiye gusinyana nta makuru bahawe, ku buryo ntawe washoboraga kugira icyo abivugaho kuko batari babizi.
Mu magambo ye bwite, agaragaje  ko we yari mu ntambara yo gufata Uvira ariko ntaho byavugwaga, abantu bose bari bazi ko hari agahenge kuko byasabwe n'amasezarano ya Doha. Intambara ye  ya rwishishwa yarakomeje mu gihe yasinyaga amasezerano.

Ibi byose, Kagame ubwe abyivugira, byerekana ibintu bitatu bikomeye:

1. Imirwano yari yateguwe mbere yo gusinya amasezerano

Kagame ubwe yemera ko gufata Uvira no gutangira imirwano atari igikorwa cy'impanuka cyangwa igikorwa cyabaye gitunguranye, ahubwo ko byari biteguwe mbere.
Ibi bisobanura ko ubwo yari i Washington mu muhango w'isinywa ry'amasezerano y'amahoro, yari azi neza ko ibyo asinya bitari bihuje n'ibikorwa nyayo biri gukorwa n'ingabo ze cyangwa M23.
Byerekana ko yasinyaga abeshya, kandi ko amasezerano atigeze aba igikoresho cyo kugarura amahoro, ahubwo yabaye uburyo bwo gukomeza imirwano yateguwe mu ibanga.

2. Yasinyiye amasezerano abeshya ko nta mirwano iri kuba

Ibyo Kagame yavuze uyu munsi bigaragaza neza ko:

• Abari bahagarariye imishyikirano nta makuru bahawe ku mirwano Rwanda/M23 yari yatangije mbere yo gusinya.
• Nubwo amasezerano asaba guhagarika imirwano, Kagame yasinye azi neza ko intambara ikomeje kandi ko Uvira irimo gufatwa.

Ibi ni uburiganya bwa dipolomasi, gutakaza icyizere, no guhinyura amahame y'amategeko mpuzamahanga asaba ko impande zombi zisinyira amahoro zisinyira mu kuri, mu mucyo no mu bwubahane.

3. Gukomeza intambara mu gihe ubyiyemerera ko wasinyaga ni ikimenyetso cy'ihonyorwa ry'amasezerano

Kagame yeruye avuga ko imirwano yakomeje no mu gihe yasinyaga amasezerano. Ibi bikaba bisobanura ko:

• Nta cyubahiro yahawe amasezerano ya Washington,
• Yasinye nta bushake bwo kuyubahiriza,
• Yananiwe gutanga amakuru y'ukuri, ndetse anashyiraho uburyo bwo gutera urujijo mpuzamahanga kugira ngo amahanga yizere ko hari amahoro mu gihe we yakomezaga ibikorwa bye bya gisirikare.
• Gutangiza imirwano rwihishwa ugafata Uvira ni ubugwari.

Mu mategeko mpuzamahanga, iyo impande isinyiye amahoro mu gihe yahishe amakuru, yabeshye cyangwa yakomeje ibikorwa by'intambara, ayo masezerano aba yarenzweho ku bushake. Uko niko bita deliberate violation of peace agreements through deception.

Icyo ibi bivuze ku masezerano ya Washington

Nubwo Kagame avuga ko nta masezerano ya Washington yishe, ubuhamya bwe bwivugiye burabihinyura:

• Yatangije ibikorwa by'intambara mbere yo gusinya,
• Yayikomeje mu gihe asinya,
• Yananiwe kubimenyesha abari bahagarariye amasezerano,
• Yasinye azi neza ko ibikubiye mu masezerano bitubahirijwe kuva ku munota wa mbere.

Ibi byose bihura neza n'icyo amategeko mpuzamahanga asobanura nk'igikorwa cyo guhonyora amasezerano wabigambiriye — violation of ceasefire or peace commitments through deliberate concealment.

Ni ukuvuga rero ko Kagame yishe amasezerano ya Washington, kuko:

1. Yasinye azi neza ko intambara yatangiye.
2. Yananiwe gutangaza amakuru y'ukuri mu gihe cy'isinywa.
3. Yakomereje ibikorwa by'intambara mu gihe amasezerano yafatirwaga.

Nta kindi bisobanura uretse ugusenya amasezerano ku bushake.

Icyo Kagame azakurikizaho

Nyuma yo gufata Uvira,:

• Kagame azahita asaba cessez-le-feu (guhagarika imirwano),
• Asabe Qatar kongera gutangiza imishyikirano hagati ya Rwanda/M23 na RDC,
• RDC izahita yemera ku gahato, kuko nta yandi mahitamo,
• Bityo Kigali ikomeze gucunga umuvuduko w'intambara n'imishyikirano uko ishaka, mu buryo bwo kuburabuza RDC. Iyo ni Cycle RDC izahoramo.

 

 

--
________________________________________________________________
-Ushobora kwiyandikisha kuri iyo groupe wandikira: rwandaforum+subscribe@googlegroups.com
-Ushobora kwikura kuri iyo groupe wandikira: rwandaforum+unsubscribe@googlegroups.com
Contact: rwandaforumonline@gmail.com.
-Posting to the Group: Posting to the group:
rwandaforum@googlegroups.com
________________________________________________________________
-Africa Context:
https://improveafrica.blogspot.com/
---
You received this message because you are subscribed to the Google Groups "Rwanda Forum" group.
To unsubscribe from this group and stop receiving emails from it, send an email to rwandaforum+unsubscribe@googlegroups.com.
To view this discussion visit https://groups.google.com/d/msgid/rwandaforum/CAEe4F%3DcWXU9LDT_S%2Bw5p01MT%3D7UKQ70e2740vYAG9ezJRXvqNw%40mail.gmail.com.